نبض المشاعر المدير العام
عدد الرسائل : 596 العمر : 34 الحاله الاجتماعيه : اعزب ساكن فين : فى بيتنا المهنة : الهواية : الأوسمة : تاريخ التسجيل : 11/01/2009
| موضوع: مش حنسيب أهالينا ف غَـزّه (صرخة) الخميس يناير 15, 2009 7:57 pm | |
| صَرْخَــــــــــــــــة:
مـش حــنســـــــيب أهالـــــــــينا ف غـَــــــــــــزّه
كلِّ سَلامَه و خِير و مَعَـزّه
مش حنسيب أهالينا ف غَـزّه
تحيا و نـَحْيا ف حُضْنها مَهْما
غـَزّوا ف قلبها ستين غَـزَّه
غـزّه دى بـِنـْتِـنا يا فـْلسطين
شَرْع وفـَرْع و زَرْع و طين
شمس تبيد ظـُـلم التوْطـــين
و اللى يوِزُّه شيطـانـُه بوزَّه
هتـْصَحِّيلـُه ضميرُه النـَغـْـزَه
ضِد دمار البشريّه احْنا
و مع المطحونين في المِحْنه
و حصار غزه دا عار وجارِحْنا
واحنا اكتر مِنـْها بنِتـْأذ َّى
كلِّ سَلامَه وخِير و مَعَـزّه
غَـزّه دى رَمْز الوطن الأكبر
كل ما يسحقـُه ظـُلـْم بيكـْبَر
يصبح مارد ع اللى اسْتكـْبَر
على أعـداؤه يعيش يتغَذ َّي
كلِّ سَلامَه و خِير و مَعَـزّه
ودا مارِد ما حيـِهْدا يا آدم
و لا راح ينسي غَباهُم مالمْ
يِقـْطَع ديل طواغيت العالـَم
و يجِـزِّ الأفعَى دي بجَـزَّه
كلِّ سَلامَه و خِير و مَعَـزّه
شوفوا بطولـــة فـــِدا لبنان
لما أصـــــيل المــعدن بان
حصدوا الرُّعْب مع الخُذ ْلان
لما القـُمْقـُم هَــــزُّوه هـــزّه
كلِّ سَلامَه و خِير و مَعَـزّه
سِكِرِ الغاصِـــب لما بشُـربُه
من دمِّـنا داق ذ ُلـُّه وغـُـلـْبُه
حَب يقوّي الضَّعْف ف صُلْبُه
من أشلاءْنا .. كإنـّها مَزّه !!!
كلِّ سَلامَه و خِير و مَعَـزّه
ياما الصهـــيونيَّه أذِتـْـنا
لغـَّمِت العالم بالفِــتــْنـــه
واحنا ف قلب العالم بيتنا
سلاسِلـْها ف رقَـَبـِتـْنا وحازَّه
و العِصْمَه لجرايمها دى جاهزه
ِوحْدِتـْنا الأ ُمّه وعَـزيزِتـْنا
مهما الحُكـّام فيها عَـزِّتـنا
رافضين ناخُدْ عَـزا عِـزِّتنا
ماحناش في فََرَحْها بنِتـْعزَّى
كلِّ سَلامَه و خِير و مَعَـزَّه
مهما يعَـذ ِّبوا في البشريّه
كُلنا وِحْدَه وجيش وسَرِيَّه
دا اللى يدوق طعم الحُرِّيَه
يِلـْقـَى ف عِزِّتـُه أعْظَم لـَذ َّه
كلِّ سَلامَه و خِير و مَعَـزَّه
كل كرامة وروح و مَعَـزَّه
ضد حصار القدس و غَـزّه | |
|